Ki Nongrim Jingngeit

(Principles)
NGI NGEIT:-
1. Ha u WEI U BLEI Uba long u KPA bad ka KMIE jong ngi ki bynriew baroh bad ha ka jinglong shipara ki bynriew.
2. Ha ka jingmap ei bad ha ka jingieit U BLEI.
3. Ba u briew um long u jingthaw ba la jot la rem hynrei kum u khun jong u BLEI, u ba nangroi ha ka jingim babha bad jingim ba donburom.
4. Ha ka jingim junom bad jingnangroi ka mynsiem.
5. Ba u Jisu u long u Nonghikai Bakhraw, (Ym U Blei hynrei u “Khun u Blei” kumjuh kumba ki briew baroh ki dei ki khun jong u Blei) bad ha ki ar tylli ki hukum ba kongsan, “Ban ieit ia u Blei bad ban ieit ia ki parabynriew.”
6. Ha ki nongialam bakhraw jong kiwei pat ki Niam de. (Da ka jingsngewthuh ba u Blei u pynpaw ia la ki jingshisha ha kiwei pat ki Prophet ne ki Nongialam Niam kumba u pynpaw ha u Jisu).
7. Ba ka Bible ka long ka jingthoh jong ki briew kiba wad ia u Blei bad kaba don ki jingshisha ha ka, bad ha kajuh ka por, namar ba la thoh ia ka da ki briew na ki jingkynmaw ne jingiathuhkhana pateng, ka don ruh ki jingbakla ha ka. Namar kata, ngi pdiang ia ki jingshisha ba ngi shem ha ka, bad ngi kyntait ia kiei kiei ki bymshisha kiba don ha ka.
8. Ba ki kot jong kiwei pat ki Niam ki long hi kiba bha ki ba iarap ia ngi sha ka jingtip ba khambha ia u Blei.
9. Ha ka jingim da ki kam, namar u Jisu u ong “Ym u briew baroh uba ong ha nga, Ah Trai Ah Trai u ban ioh leit hapoh ka hima ki bneng, hynrei uta kein uba leh ia ka mon u Kpa jong nga uba ha bneng” Kane ka pyni ba ka jingpynim ka shong eh ha kaba leh ia ka mon U Blei. U Jakob ruh u pyni ba ka jingngeit khlem ka jingleh kam lah ban pynim ia u briew; u da ong “Kumba ka met khlem ka mynsiem ka long kaba iap, kumta ruh ka jingngeit khlem ka jingleh ka long kaba iap.
10. Ha ka bor pyrkhat bad bor pynshongnia (Power of reasoning) namar ka jingpyrkhat bad jingpynshongnia ka long kawei na ki jingkyrkhu kiba u Blei u la ai ha ki ki briew ban pyndonkam, bad ngi shem ba dei tang da kaba pyrkhat bad pynshongnia ba ngi lah ban pynkhlad ia ka bym shisha na kaba shisha.
11. Ha ka jinglaitluid ban wad ia ka jingshisha da lade hi. Ngi niew ba ka kam ba kyntang ia ngi ka long ban plie rynghang ia la ki dohnud ban pdiang ia ki jingshisha kat nab a ngi lah ban shem, lada na ka Niam ne ka Science, bad ban ai ia ka hok (right) ha u briew ban pynroi ia kita ki jingshisha kat kum ki jingsngewthuh hok jong u hi.
12. Ha ka Hok, ha ka jingiaryngkat kyrdan bad ha ka mynsiem sngewlem ban iarap ia shan para briew.
13. Ha ka jingiaiwad ia ka suk ka sain ha ka imlang sahlang, ha ka ri ka muluk bad ha ka pyrthei baroh kawei.
14. Ha kaba burom bad niew kor ia ka mariang; (kata, ym dei ban leh pathar ia ki jingthung jingtep, ki dieng ki siej, ki mrad ki mreng, ki sim kid oh etc. etc.).
15. Ha ka bapdiang hun uwei pat bad ia pynshlur para ma ngi ban nangkiew shalor ha ka jingim ba kynja mynsiem.
NOTE: Ia kine ki Nongrim (Principles) la pdiang bad pynskem da ka Board ha
Nongkrem ha ka 10th February, 1979 bad ha ka Special Board ha Madan
Laban, Shillong ha ka 9 – 10 – 1988.