Tuesday, April 24, 2012


Ka Jingkyntang jong ka Jingim

Ka jingim ka dei kaba kyntang.
Ka dei kaba kyntang ha ka jingkha ia ka
Ka dei kaba kyntang katba ka dang im
Bad ka dei ruh kaba kyntang ynda kala iap.

#############


Wat ieng ha Jingtep jong Nga

Wat ieng ha jingtep jong nga bad iam
Ngam don hangto, nga khlem thiah
Nga dei ka lyer pynngad kaba beh mian mian.
Nga dei I umjer ha u phlang ba phyrnai kum mawlynnai
Nga dei ka jingshai jong ka sngi ha u soh bala ih bha.
Nga dei u slap ba hap brop brop myn synnia
Haba phi khie thiah ha ka jingkynjah jong ka step,
Nga dei ka jingkynthih bad jingstet ba jai jai jong ki sim kiba her sawdong.
Nga dei ka jingshai ba jem jong ki khlur mynmiet
Wat ieng ha jingtep jong nga bad iam.
Nga don hangto. Nga khlem thiah.

************


Haba phi kynmaw ia nga…

Wat la nga hap ban ieih noh ia phi kaba nga iaid eh,
Ban iaid ha ka jingiaid lynti kaba jngai
Wat ia purkhana shaphang jong nga da ka jingjar ummat,
Hynrei rkhie haba phi kren shaphang jong nga
Kumba nga dang don ha syndah jong phi
Kumta ynda phi ioh sngew ki kyntien ba nga ju kren.
Ne phi ktah ia ki tiar kiba nga ju ieid,
Wat shah ba ki jingkynmaw jong phi kin long kiba sngewsih, namar
Ngan iai ieid ia phi kumba nga ju ieid barabor.

##*****##

Thursday, September 1, 2011

Ki Jingrwai, Khasi, Pnar bad Translation


Iah ia i A Blai     10:10:10:10.

Iah Ia I Blai ha ka luti iong me;
Iah ha ka luti wa I mon iong me, (chorus)
Iah I ha ka luti wa toh wa tne;
Tre Kirot ia I to chare kune.

Iah ia I chei kyrmen nei duh kyrmen;
Iow man I ki bru kiwa suk wa kmen,
Hikai ia I iow im I hei kyrmen;
Ioh ka pyrthai u ioh dei suk dei kmen.

Iah ia I ha ka luti wa sakhiat;
San lum san wah pynjngai nei wym sakhiat,
Iow ie I u im du hei bha hei miat,
La ha luti madan nae ha ki riat.

Pynduh Blai iei tien iei sorsa na I;
Buh mynsiem wa skhem ha u nud iong I,
Pynduh iei wym hok wym sakhiat na I;
Hei hok wei sakhiat chi linter chdooh i.

Pynduh Blai iei ia ioosih para I;
Ha Mynsiem pyndap dei maya don hi,
Mynsiem bishni cha jngai to beh na I;
Hei maya Blai e wa u nangroi i.

Pynduh ia ka thma ka ktien Blai wa bha;
Hei thaw I khajia thung iei suk iei bha,
Pyndap iei mynsiem I dei suk dei bha;
Kamjuh ha ka pyrthai chi kylla rta.


Dap I suk ha mynsien o
 (I’ve got peace like a river)   
            Dap I suk kam ka wah bah
   1.      Dap I suk kam ka wah bah.
            Dap I suk kam ka wah bah.
            Ha mynsiem O.

2.         Chlai I maia kam ka duriaw
            Chlai I maia kam ka duriaw
            Chlai I maia kam ka duriaw
            Ha mynsiem O.

3.         Kyncheit I kmen kam ka Kchaid
            Kyncheit I kmen kam ka Kchaid
            Kyncheit I kmen kam ka Kchaid
            Ha mynsiem O.

4.                  Dung I kjutnud kam u khnam
            Dung I kjutnud kam u khnam
            Dung I kjutnud kam u khnam
            Ha mynsiem O.

5.         Skhem I ngeit kam u Moosiang
            Skhem I ngeit kam u Moosiang
            Skhem I ngeit kam u Moosiang
            Ha mynsiem O.

  1. Che I kyrmen kam ka step
      Che I kyrmen kam ka step
      Che I kyrmen kam ka step
      Ha mynsien o.



Alea ia rwai lang wa nga
(come sing a song with me)
’lae ia rwai lang wa nga
’lae ia rwai lang wa nga
’lae ia rwai lang wa nga
Iow tip o ї mut phi
Iow lam kyrmen o
Hei por jngai I kyrmen
U lam leh I rwai maia
Wa u kulap han la dei tlang

’lae ia rwai lang wa nga
’lae ia rwai lang wa nga
’lae ia rwai lang wa nga
Iow tip o ї mut phi
Iow lam kyrmen o
Hei por jngai I kyrmen
U lam leh I rwai maia
Wa u kulap han la dei tlang.

’lae chah how slap wa nga
’lae chah how slap wa nga
’lae chah how slap wa nga
Iow tip o ї mut phi
Iow lam kyrmen o
Hei por jngai I kyrmen
U lam leh I rwai maia
Wa u kulap han la dei tlang.

’lae ksoh syntu lang i
’lae ksoh syntu lang i
’lae ksoh syntu lang i
Iow tip o ї mut phi
Iow lam kyrmen o
Hei por jngai I kyrmen
U lam leh I rwai maia
Wa u kulap han la dei tlang.




Alea psiah iow ia kmenlang i
(Enter rejoice and come in)

’lae psiah iow ia kmen lang i
’lae psiah iow ia kmen lang i
Myntu ka sngi toh ka sngi wa kmen
’lae psiah iow ia kmen lang i

Pynchah chkoor bha ia ki rwai
Pynchah chkoor bha ia ki rwai
Myntu ka sngi toh ka sngi wa kmen
Pynchah chkoor bha ia ki rwai

Wai ki mynsiem waroh lang
Wai ki mynsiem waroh lang
Myntu ka sngi toh ka sngi wa kmen
Wai ki mynsiem waroh lang

Hamtien ia ki jingkylla
Hamtien ia ki jingkylla
Myntu ka sngi toh ka sngi wa kmen
Hamtien ia ki jingkylla

’lae psiah iow ia kmen lang i
’lae psiah iow ia kmen lang i
Myntu ka sngi toh ka sngi wa kmen
’lae psiah iow ia kmen lang i



U Nongseng ka Niam Baiar ba dei.     8.7.4
(Lah ban rwai da ka sur jong ka jingrwai kaba 38)

Iaroh i’U Blei Nongbuh Nongthaw;
B’la phah ia une u riewkhraw,
U Hajom Kissor Singh Nongbri;
B’la seng niam ba ieid jong ngi,
Niam ieid i’U Blei;
I’u briew, niam jingshisha baiar ba dei.

Kum ‘lur step shwa ban kynjat shai;
Ia pyrthei ba lam jingshai,
Kum step phyrngap ba pun jingshai;
Ba lam lynti ïa sngi phyrnai,
Ka kynjat shai;
Ba kular ïa sngi phyrnai.

Ka niam ba ïar ba dei phi seng;
Ia pyrthei ban pynlong bneng,
Da kaba ieid i’U Blei i’u briew;
Jingbha ngin nang iai kyntiew,
Ba ngin nangroi;
Ha jingieid ba ïai kyrsoi.

Ban mane i’U Blei ba marwei;
Dei ka jingngeit kaba dei,
Ia ieid ïa burom parabriew;
Dei khubor kaba kyrsiew,
Gospel ba dei;
Ban ïalap haka pyrthei.

Jingmane laitliud phi lam lynti;
Ban nangroi ha la ka sngi,
Kum ’lieng ha sahit bneng ba per;
Ia jingshisha ban ïoh kner,
Ba jingshisha;
Kan ïai jop ha la ka rta.


H.K.Singh U Riewkhraw   8.7.8.7.4.7
Lah ban rwai da ka sur jong ka jingrwai kaba 158

Babu Kissor dei u riew khraw            ;          
I’U ba mynta ngi kynmaw,                
Dei u riewshlur ba lam lynti;              
Ia niam ba shisha jong ngi,                 
H’pdeng jingeh;                                 
La jingshai barit u tbeh.                     

Ki bein bu dei nongshun u Blei;        
Ki kynnoh ruh u len Blei,       
Hapdeng ki jingkynnoh baroh;                      
H’u Blei ba narwei u snoh,                
Um tieng nongshun;                           
La ia u baroh ki shun.                         

Jingim bun jingeh u kynduh;              
Jingsngewsih ki wan tynjuh,              
Jynjar ha jingim u tyngkhuh;              
H’U Blei jingshaniah u buh,              
Hapdeng jynjar;                                 
Ha u Blei u shaniah phar.                   

U dei u briew bakhraw mynsiem;      
Ba dap jingieid hala mynsiem,                       
U ieid kumjuh paidbah ne syiem;      
Jingieid ba kynja mynsiem,
Ki kam babha;                        
Dei khubor bu iai pyrta.                     

U ieit jingnang jingstad kumjuh;        
Namar jingbiej ka dei ka ruh   ,          
Ba kah syrngiew ia ka jingshai;          
Jingshai Blei ba iai phyrnai,               
Sha jingnangroi;                                 
Ha jingnang jingstad ba myntoi.        

U Briew bad ka Iing Pyrthei                        8.7

Pyrthei bad katba don baroh;
Dei jingthaw jong u Baroh,
Baroh ba bha ne ba kynsha;
La thaw da bor ba phylla,
Ban ia im suk baroh shirta;
Ha jingim ba dei
Shi khrum ka bneng kawei ngi long;
Ba im ha tbian ne ha jrong.

B’la shong ka khwan myntoi;
Ha kyrteng ka jingnangroi,
Ban ioh lum ia ka spah shipor;
Ka lawei ngi die tad dor,
Pyrthei mariang nga la khura;
Ia ing ngi pynjot pynpra,
Lawei ki khun ngim pyrkhat shuh;
Ngi dei ma ngi nong bam duh.

Kum miaw bam khun ngim pynsah shuh;
Kampher pateng ka kyrduh,
Ki khun ki kti kin im kumno?
Ki lum bad khlaw la syllen lut;
Jingim ha ki wah la kut,
Lawei kaba kumno ngi ieih?
Bam ki khun na ktien ngi knieh.

Kum khun tham ba bam la ka kmie,
La iing pynjot khlem babe,
Para jingthaw ngim niewkor shuh;
Ka jait jong ki ngi pynduh,
Ngi bam lut khoit kum ding ba klang;
Naduh ki dieng haduh ki phlang,
Ri shyiap pyrthei ngi pynkylla;
Lawei ki khun ngi  bynda.

Haba la kor ka spah pyrthei;           
Ngi leh klet wat ia U Blei,
Ngim niew kor shuh para jingim;
Pyrthei ngi wan lam jingtim,
Ngi pyrkhat tang ia jong ka doh;
Jong ka mynsiem la klet noh,
Ngim niewkor shuh jinglong kiwei;
Namar ba ngi jngai n’U Blei

                                                                        H.H.Mohrmen.

Iing lieng ba jngum
Blue Boat Home

Wat ha trai ’jat ngam sngew kaba khih;
Haba ieng ’lor lum bad madan
Jngai na jingphaloh ka duriaw
Dohnud tyrkhong ka iai pyrta
Nga la per ha lynti jingim
Ngam lap kad lieng ne jaka shongthait
Haw haw dei duriaw ba nga per
Pyrthei ba jngum dei ienglieng jong nga.

Ka sngi na khmat u bnai nadien
Katba dang per ha thwei dap khlur
Ha tduh ngi ieng da jinglyngngoh
Jingkylli na jingjylliew nga wad
Per lang bad ki para nongshong lieng
Para nongleit lynti ba kynja mynsiem
Da jingshai bneng ngi ia iaid ryngkat
Ha ka lieng jngum ba itynnad

Ainguh ia jingphalok ba bat ia nga
Iaroh ia lyer ba kyntu mynsiem
Khublei ia duriaw bymjukut
Rwai iaroh I’u Maji ha bneng
La kha ia nga ha tduh ka duriaw
Ngam tip kad lieng ne jaka shongthait
Bneng dei duriaw ba nga iaid lynti
Pyrthei ba jngum dei ieng lieng jong nga.






Wednesday, August 31, 2011

Ki Jingrwai thymmai haka Ktien Pnar bad Khasi


KA ÏU-CHBA WA THABA

Kho:-   Alae ia makhane;
            Ia ka Ïu chba wache,
            Ia ka pyrthai pynche;
            I che iwa na u Tre.

1.         Ïu chba dak wa che kam ka sngi;
            Khon bru kam, chipaiu man i,
            Blai U wi; iwi i sakhiat,
            Heiche Blai im hei bha hei miat.

2.         Ïu chba ia i u iah luti;               
      Hei manbru i wa man ka sngi,
      Kammon u lai luti  waroh;
      Man bru wa beit wym sa kyrdoh.

3          Kam Ïu chba manbru pynthaba,
            Ïaleh u kreh ki kam wa bha;
            Ïei hok wei sakhiat u pynieiñ,
            Han du chi lyngkhot leh ham tieiñ.

4          Hei diñ wa  che; diñ wa kyntang,
      Ïei manbru khlieh ka sngi u phrang,
            Ïow ioh iei manbru wa paka,
            Wa dap da ki kam wa bha.

5.         Ïu chba u kynrong rap cha jrong,
            Ïow chynna lang ki parashnong,
            Ïei chit i che u ia samlang;
            Ïow miat u bha imlang sahlang.




Luti Ka Niam U Blai

  1. Heimanbru i ha sla pyrthai;
      Kab haka luti iong U Blai,
      Maia parabru ha pyrthai;
      Kam chipaiu chynrang kynthai.

  1. Luti U Blai ym toh wa suk;
      Hap chah chitom iei duh iei duk,
      U Riat wa eh u kab u ku;
      Iow miat u chkeh longbru manbru.

  1. Luti sakhiat ka niam U Blai;
      Luti maia iow bru iow Blai,
      Maia parabru ha pyrthei;
      Ka luti wa sakhiat U Blai.

  1. Ia warom kylliang parabru;
      Luti U Blai ia i wa da thmu,
      Ha pyrdi i iapher wa em i;
      Ia tylli kam iwi don hi.

  1. Du i warom don hi watam;
      Manbru syndong hei ktien hei klam,
      Du i maia don hi watam;
      Ia ka thma ka ktien u pyndam.

Kho:
      Luti Niam mane wi Blai;
      Luti I maia ha pyrthai,
      Cha ka pyrthai u rwai u kbai;
      Iow dap i su haka pyrthai.



KA ING MYNSIEM BA NGI LA IOH
H.H.Mohrmen (8:7)

Iing pyrthei dei ba kynja met;
Ban pynaram la ka met,
Iing mane dei jong ka mynsiem;
Jaka pyn-aram mynsiem.

         Haba ka met ka thait ka jrem;
         Ka thrang ia rympei ba rhem,
         Haba ka mynsiem ka tlot ka swai;
         Sha duwai kyntang ngi phai.

         Haba duh jingkyrmen ban im;
         Jingmut ruh ka kulmar tlim,
         Phliah ding jingshai na Iing mynsiem;
         Ia nga aibor ai mynsiem.

Ha ba nga shem suk shem sngewbha;
Ba mynsiem ka dap pura,
Ha Iing mane ngan rwai iaroh;
Ia jingkyrkhu Blei b’la ioh.

        Ha Iing mane b’la pynkyntang;
        Horkit hordang ka ba sang,
        Ha duwan ba kyntang jong ka;
        Tang jingieit nylla tyrwa.

Chorus:
Shiphang shongthait na ka kam;
Ia mynsiem ban pynaram,
Sha Iing mane leit khlempep;
Ba jingim kan ym sep.

    

U Blai Uwi don hi

Ha Pyrthai wa heh wa kmai;
Wa chong was ah ki bru wa kynsai,
Ha pyrdi I ia pher wym ye u batai;
Man I ki khon uwi U Blai.

Kam wa ia pher I uwi na kawi;
Katkam ka ri ka muluk wa chong I,
Iapher ka sniehdoh ka rukom im,
Waroh toh ki khon U Blai w aim.

Iapher I sniawthuh I chemphang;
Chaphang kiwa bun kip hang,
Kiwa kordor kiwa kyrpang;
I yong ka pyrthei na iwa kyntang.

Iow Blai da khut da ki pyrtuid wa pher;
Ha ki ktien wa ki niam wa pher,
U Allah, u Yahweh to ki pyrtuid don hi;
Kiwa thaw wa mut iow wi don hi.
Iow Blai da pynwan dur ha ki bun rukom;
Da chna leh chiboon ki parom,
Waroh man I mutdur don hi,
Iow tea u wym ioo i.

Iow Blai ym ioo ym chynna I;
Neibhah wa dap u ha mynsien I,
Dap u leh ha ka pyrthai wa ioo I,
Kamjuh leh cha wym chynna i.






Da ka hukum Blai chaka Pyrthai


E nguh iow Blai wa buh wa thoo;
U Blai was amen uwa khroo,
U wa phah manbru cha pyrthai;
Ia oo don hi u iaroh U kbai.

E nguh ia U Blai uwa chna iei pyrthai;
Iow im iow chongsuk kynjai,
Iow im hei maia iow bru iow Blai;
Iow dap I sku ha Pyrthai.

Ka hukum dab uh ia phi ia nga;
Wow kamai iei hok kylla rata,
U im tipbru, u im tip Blai;
Iow sah I nam ha bru ha Blai.

Ia phi ia nga dab uh bynta;
U chakri hok da ki kam wa bha,
Jar ka sla bhahda pynkam/bynta,
Iow im u kreh u kam chirta.

Chorus:
To im tipbru, to im tip Blai;
To im tipkur; to im tipkha,
Iow neh I miat I bha,
Ha pyrthai chong wasa.



Wednesday, October 20, 2010

Ka Jingiamanelang Ban Ia Ai Mynsiem

Ka Jingiamanelang Ban Ia Ai Mynsiem

Ngi ialumlang hangne mynta ban ainguh
Iaka jingskyrkhu ba thehsei jong U Blei.
Lyngba ka jingim ba kordor jong ine iba ieit ba thoin jong ngi,
Iba la wan longbriew, im ryngkat bad sah ryngkat bad ngi shipor.
Ka jingim jong i kala long shisha ka jingkyrkhu haka iing ka sem
Kaba ngin ym lah ban klet lano lano ruh.

Kawei pa kawei ka jingim
La ka long kaba rit ne kaba khraw, kam long satia ka jingim kaba lehnohei,
Namar ba ka don eiei ban kren bad ban ieih shadien ba ngin ioh pyrto iaroh.
Kumta ruh ka long ia ka jingim jong ine iba ieid ba thoin jong ngi,
I bym shym la leit thylli; hynrei ila ieih shibun kiei kiei
La ka long lyngba ki kam bad jingleh jong i;
Ne lyngba ki sur kren bad khmat ba wiat samrkhie ruh.
Kine bad kiwei pat kiba ngim lah pynpaw,
Kin iahneh iaisah hapoh ki pla mynsiem jong ngi.
Kin long kum ki mawkordor kiba ngin tyngkai hala ka rta.

Ngi wan ban iamane bad ainguh ia U Blei,
Na ka bynta ka jingiaidon ryngkat jong u bad ngi
Lyngba kine ki sngi jong ka jingthylli mynsiem
Haba i ba ieid jong ngi im don shuh bad ngi.
Ka kti ba donbor jong U Blei ka iaibtin iai-ialam ia ngi,
Ka iai-ai-mynsiem bad kyntu ia ngi ba ngin nang iaid shaphrang
Ha ka jingim ba manla ka sngi jong ngi.
Ka jingiai don ryngkat jong U Blei
Ka iailong ka bor ban ai jingshngain haka jingduh mynsiem,
Ka jingrhem mynsiem ha ka jingdaitthah ba har har jong ka pyrthei
Bad ka bor jingshlur ha ka por jong ka jingsngewrit mynsiem bad jingduh jingkyrmen.

Ngi khotlang ia ka jingiaseng baroh ban pynpaw iala ka jingsngewnguh jong ngi,
Na ka bynta ka jingsbun mynsiem jong phi.
Lyngba kine ki sngi baroh,
Phi long ki jingkyrkhu kiba ngi la ioh.
Phi kyrshan, phi aibor ba ngin long khlain barabor,
Phi buh ia ngi ha ki jingduwai jong phi ba ngin nangioh bor manla ka sngi.
Ngi sngewnguh shikatdei eh
Phi long dashisha u mawsiang ba iaineh
Bad u diengbah uba ngin ioh riehtngen.

Ki Jingpule Naka Bynta Krismas

Ka Krismas
Sophia Lyon Fahs
(Na ka kot Rejoice Together bala lum da ka Helen R. Pickett bala pynmih da ka Skinner House Books, Boston)


Naduh myndai ki khynnah ki wan
Te kumta kila wan.
Barabor kumjuh kumba ki ju iai wan-
Kha na ki symbai jong u shynrang bad ka kynthei.
Ym dong angel ban kyriaw-pynbna ia ka jingsdang jong ki,
Ym don prophet ban iathuhlypa ia ka lawei jingim jong ki.
Ym don riewstad ban iohi ia u khlur ba lam lynti ban lap ia I khun I ban pynlaitim ia u khunbynriew.

Hynrei wat la katta ruh kawei pa kawei ka miet kaba la kha ia I khun ka dei ka miet kaba kyntang.
Ki kmie ki kpa ba iashong sawdong jong ka shynoid ki khun,
Ki iohmad ia ka burom jong ka jingsdang ka jingim kaba thymmai.
Ki kylli, “Hangno bad kumno kane ka jingim kaba thymmai kan kut ?
Ne hato kan don jingkut hi?”

Kawei pa kawei ka miet kaba la kha ia I khun ka dei ka miet kaba kyntang,
Ka por ban rwai,
Ka por ban sngewphylla,
Ka por ban ainguh.


Ka Krismas Ym Tang Ka Tarik Haka Almanak
Clinton Lee Scott
(Na ka kot Rejoice Together bala lum da ka Helen R. Pickett bala pynmih da ka Skinner House Books, Boston)

Ka Krismas kam dei tang ka tarik ha ka kalandar.
Ka Krismas ka dei ka jinglong ka jingmut jingpyrkhat, jingsngew-briew, ka dak.
Ka dei ka jingpynstet ia ka jingiadonlang jong uwei pat u briew
Uba ha ka jingim jong u, ngi la kynshew khyndiat ka jingim lajong.
Ka dei ka jingkynmaw ia ki por kiba ha ka jingiaid lynti la jong
I briew iba kyrpang iwan paw ban pynkylla ia kata ka por bad kata ka jaka sha ka jingshem mynsiem kyntang bala kyrkhu.
Ka Krismas ka dei ka longing, ka rympei, ka jingdapmam, ka jingkmen bad jingrkhie ki khynnah,
Ka jingkynmaw ieid ia ki paralok,
ka por ka jingsuk hapdeng ka jinghuri hura bad jingiakynad kaba hapoh bad habar.
Ka dei ka jinglum-ang ia ki jingphohsniew kiba ai-mynsiem lynga ki spah snem kiba la leit, kiba aidak lypa bad ha ka jingkha ia u khun
Uba kylla long u Khun-syiem ka jingsuk.
Ka Krismas ka dei ka por ha kaba la kha-biang ia ka mon-ba-bha, bad kaba la pynlong kam pat ha ka jingkyrmen bad ha ki dohnud jong ngi baroh.


U Khlur Bad Ka Jingkha
Margaret K. Gooding
(Na ka kot Rejoice Together bala lum da ka Helen R. Pickett bala pynmih da ka Skinner House Books, Boston)

Ki iathuh ia nga ba ha ka por bala kha ia u Jisu, la wan paw u khlur ha sahit bneng hakhlieh ka jaka ba u khunlung u thiah lyngai.

Ha ka por ba dang khynnah nga shem jingeh ban ngeit ia kine ki jingjia kiba phylla; Nga ngeit ia ki khlur. Ki dei ki jingjia ba phylla, ki shibynta jong ka jingiathuhkhana bala rim bha, kiba iathuhlypa shaphang ka jingim kaba phylla.
Ki iathuh ia nga ba u Khlur-bah ha ka jingphyrnai ba kut jong u shwa ba un iap, u wan paw ha bneng.

Ynda nga la khamsan ba nga ngeit ha ka jingstad saian bad ka jingpynshongnia, nga sa sdang ban sngewthuh ia ka jingiathuhkhana shaphang u khlur.

Hynrei nga shem pat ba ngam lah ban shu klet ia u khlur kumto, ka dak kaba biang eh ban pynbna ia ka jingkha ia uwei uba ka jingim kaba phylla jong u ngi dang iai kynmaw haduh mynta.

U khlur uba la batai u dei u khlur uba la sngewthuh, na ka bynta u Jisu, u Buddha, u Zarathustra.

Balei ym dei u khlur namar kata? Uwei u khlur u ba phyrnai u tynshain ha kawei ka bynta jong ka bneng man kawei pa kawei ka por bala kha ia iwei I khun. Mano ba lah ban ong kaei ba uta u khlur un iathuhlypa? Kumno ngin tip kaba kumno ka jingim kaba thymmai kaban wan biang, lymda ngi ailad ia ka ?

Ai Ba Kane Ka Iingmane

Ai ba kane ka Iingmane kan long ka jaka jong ka jingshngain bad jingieit ia kito baroh ki ba rung sha ki khyrdop jong ka.
Ai ba kan ai jingkahsyrngiew na ka jing shit kyrang ka sngi, ka jingiada na ka jingbeh kyrthep ka lyer bad jingrieh na u slap.
Ai ba kan ieng skhem hapdeng ka ding bad ka jingshlei ka um, ka jingkhynnuih jumai bad jingtwa khyndew bad na baroh kito kiba long ka jingma ia u khun bynriew.
Ai ba kan pdiang sngewbha ia baroh kiba la san bad dang khynnah, kiba riewspah bad ki baduk, kiba lanang la stad bad kiba duna ruh kumjuh, shynrang bad kynthei, kiba lah bad ki bymlah .
Wat shah iano iano ruh ban sngew nongwei hangne.
Khnang ba baroh kin don ka hok ban kren bad ioh ka lad ban sngap.
Ban shah skhor bad pynroi ialade,
Ainguh bad nangioh bor,
Trei bad ioh jingpynskhem.
Khnang ba kane ka iing kan long ka nuksa jong kane ka jingngeit, ka jingaiti lut na ka bynta ka jingsuk bad jingieit bad ka hok. Amen

(John Rex)

LONG BALA KYRKHU

Unitarian Church, Puriang
LONG BALA KYRKHUH

Long bala kyrkhu ia kito baroh kiba sngewthuh ba ka Iingmane ka dei ka jaka ba kin san ha kaba kynja mynsiem.
Long bala kyrkhu ia kito baroh kiba la wan sha jingiaseng ban leh kmen bad ioh jinghikai.
Long bala kyrkhu ia kito baroh kiba la ia shim bynta haki jingiaseng bad ki kam balang baroh.
Long bala kyrkhu ia kito baroh kiba tip ba ka balang kam dei kaba janai bad kiba shim jing kit khlieh ban pyllong ia ka ba khambha .
Long bala kyrkhu ia kito baroh kiba pyndep ia ki kam balang bad ap haduh ba kiei kiei baroh ki dep lut.
Long bala kyrkhu ia kito baroh ki ba kren la ka jong ka jing mut khlem pynmong ia kiwei pat .
Long bala kyrkhu ia kito baroh ki ba shah skhor barabor bad pyndon kam hok iaka ba ki la ioh sngew.
Long bala kyrkhu ia kito baroh ki ba sngew thuh ba ki kam jong ka balang kadei ban pynkylla ia ka imlang sahlang ba kan long ka kynhun jong ka jingieit ia baroh ki briew bad ha kylleng
(John Buerhens)