Wednesday, August 31, 2011

Ki Jingrwai thymmai haka Ktien Pnar bad Khasi


KA ÏU-CHBA WA THABA

Kho:-   Alae ia makhane;
            Ia ka Ïu chba wache,
            Ia ka pyrthai pynche;
            I che iwa na u Tre.

1.         Ïu chba dak wa che kam ka sngi;
            Khon bru kam, chipaiu man i,
            Blai U wi; iwi i sakhiat,
            Heiche Blai im hei bha hei miat.

2.         Ïu chba ia i u iah luti;               
      Hei manbru i wa man ka sngi,
      Kammon u lai luti  waroh;
      Man bru wa beit wym sa kyrdoh.

3          Kam Ïu chba manbru pynthaba,
            Ïaleh u kreh ki kam wa bha;
            Ïei hok wei sakhiat u pynieiñ,
            Han du chi lyngkhot leh ham tieiñ.

4          Hei diñ wa  che; diñ wa kyntang,
      Ïei manbru khlieh ka sngi u phrang,
            Ïow ioh iei manbru wa paka,
            Wa dap da ki kam wa bha.

5.         Ïu chba u kynrong rap cha jrong,
            Ïow chynna lang ki parashnong,
            Ïei chit i che u ia samlang;
            Ïow miat u bha imlang sahlang.




Luti Ka Niam U Blai

  1. Heimanbru i ha sla pyrthai;
      Kab haka luti iong U Blai,
      Maia parabru ha pyrthai;
      Kam chipaiu chynrang kynthai.

  1. Luti U Blai ym toh wa suk;
      Hap chah chitom iei duh iei duk,
      U Riat wa eh u kab u ku;
      Iow miat u chkeh longbru manbru.

  1. Luti sakhiat ka niam U Blai;
      Luti maia iow bru iow Blai,
      Maia parabru ha pyrthei;
      Ka luti wa sakhiat U Blai.

  1. Ia warom kylliang parabru;
      Luti U Blai ia i wa da thmu,
      Ha pyrdi i iapher wa em i;
      Ia tylli kam iwi don hi.

  1. Du i warom don hi watam;
      Manbru syndong hei ktien hei klam,
      Du i maia don hi watam;
      Ia ka thma ka ktien u pyndam.

Kho:
      Luti Niam mane wi Blai;
      Luti I maia ha pyrthai,
      Cha ka pyrthai u rwai u kbai;
      Iow dap i su haka pyrthai.



KA ING MYNSIEM BA NGI LA IOH
H.H.Mohrmen (8:7)

Iing pyrthei dei ba kynja met;
Ban pynaram la ka met,
Iing mane dei jong ka mynsiem;
Jaka pyn-aram mynsiem.

         Haba ka met ka thait ka jrem;
         Ka thrang ia rympei ba rhem,
         Haba ka mynsiem ka tlot ka swai;
         Sha duwai kyntang ngi phai.

         Haba duh jingkyrmen ban im;
         Jingmut ruh ka kulmar tlim,
         Phliah ding jingshai na Iing mynsiem;
         Ia nga aibor ai mynsiem.

Ha ba nga shem suk shem sngewbha;
Ba mynsiem ka dap pura,
Ha Iing mane ngan rwai iaroh;
Ia jingkyrkhu Blei b’la ioh.

        Ha Iing mane b’la pynkyntang;
        Horkit hordang ka ba sang,
        Ha duwan ba kyntang jong ka;
        Tang jingieit nylla tyrwa.

Chorus:
Shiphang shongthait na ka kam;
Ia mynsiem ban pynaram,
Sha Iing mane leit khlempep;
Ba jingim kan ym sep.

    

U Blai Uwi don hi

Ha Pyrthai wa heh wa kmai;
Wa chong was ah ki bru wa kynsai,
Ha pyrdi I ia pher wym ye u batai;
Man I ki khon uwi U Blai.

Kam wa ia pher I uwi na kawi;
Katkam ka ri ka muluk wa chong I,
Iapher ka sniehdoh ka rukom im,
Waroh toh ki khon U Blai w aim.

Iapher I sniawthuh I chemphang;
Chaphang kiwa bun kip hang,
Kiwa kordor kiwa kyrpang;
I yong ka pyrthei na iwa kyntang.

Iow Blai da khut da ki pyrtuid wa pher;
Ha ki ktien wa ki niam wa pher,
U Allah, u Yahweh to ki pyrtuid don hi;
Kiwa thaw wa mut iow wi don hi.
Iow Blai da pynwan dur ha ki bun rukom;
Da chna leh chiboon ki parom,
Waroh man I mutdur don hi,
Iow tea u wym ioo i.

Iow Blai ym ioo ym chynna I;
Neibhah wa dap u ha mynsien I,
Dap u leh ha ka pyrthai wa ioo I,
Kamjuh leh cha wym chynna i.






Da ka hukum Blai chaka Pyrthai


E nguh iow Blai wa buh wa thoo;
U Blai was amen uwa khroo,
U wa phah manbru cha pyrthai;
Ia oo don hi u iaroh U kbai.

E nguh ia U Blai uwa chna iei pyrthai;
Iow im iow chongsuk kynjai,
Iow im hei maia iow bru iow Blai;
Iow dap I sku ha Pyrthai.

Ka hukum dab uh ia phi ia nga;
Wow kamai iei hok kylla rata,
U im tipbru, u im tip Blai;
Iow sah I nam ha bru ha Blai.

Ia phi ia nga dab uh bynta;
U chakri hok da ki kam wa bha,
Jar ka sla bhahda pynkam/bynta,
Iow im u kreh u kam chirta.

Chorus:
To im tipbru, to im tip Blai;
To im tipkur; to im tipkha,
Iow neh I miat I bha,
Ha pyrthai chong wasa.



No comments:

Post a Comment