Charak
Mynsien
Ïaka
Charak hajrong u loom pynïeiñ;
Cha ka pyrthai pynche pyntyrchaiñ,
Duhai da u chang ym hoi u
tymmoh,
Ïow leit
u sah hei doom hei lyngngoh.
Anniversary to ka sngi wa
kha,
Ïa ka
niam wa ym hap u su kuna,
Ka niam maïa ïa u bru ïa U Blai,
Ka niam wa rah ïei che cha pyrthai.
Manbru ha pyrthai u lai luti,
Charak i mynsien u chba luti,
I eh i khoo u ïachem khlieh ka sngi,
Hei doom lyngngoh charak u chba luti.
Anniversary pynem warom i;
Ym toh du ka ynne ka sngi don hi,
Chirta ïanom u leh kmen sngi kha i,
Dei wa pynche charak wa im ïong i.
Luti i maïa
Ale lok ale jor chirrup u lai;
Waroh deilang haka luti U Blai,
Luti maïa ïow bru maïa ïow Blai,
Luti wa beit luti wa heh wa kmai.
Khutlang cha i pynem warom sngikha;
Da i mynsien iwa wakhuid wa suba,
Ym hoi u ïa bishchni ïa adnood par i,
Haka luti
maïa u nangroi i.
Hei eh i khoo, i khia i chon chanlang,
Hei sniawbha sniawmiat leh u ïa emlang,
Chirup chirrup u lai u ïa chdoohlang,
Haka luti maïa u ïa lai lang.
Luti i maïa toh luti i kyrmen;
Ymtoh luti ïei bha i doh samen,
Ïow ïoh i bha i kmen ïa waroh lang,
Luti maïa waroh u ïa lai lang.
No comments:
Post a Comment